शुक्लागण्डकीको पहिलो वातावरणमैत्री वडा घोषणा

शुक्लागण्डकी नगरपालिकाको वडा नम्बर ८ लाई नगरकै पहिलो वातावरणमैत्री वडा घोषणा गरिएको छ । आइतबार ढोरफिर्दीमा आयोजित कार्यक्रममा संघीय मामिला तथा स्थानीय विकास मन्त्रालयका सहसचिव रुद्रसिंह तामाङले उक्त वडालाई वातावरणमैत्री वडा घोषणा गरिएको हो ।
वातावरणमैत्री स्थानीय शासन प्रारुप २०७० ले तोकेका आधारभूत सूचकहरु पूरा गरी उक्त वडालाई वातावरणमैत्री वडा घोषणा गरिएको हो । सो अवसरमा बोल्दै तामाङ्गले घोषणालाई सफल बनाउन सबै वडाबासी लाग्नुपर्नेमा जोड दिए ।
नगरपालिकाका कार्यकारी अधिकृत काशीराम गैह्रेको अध्यक्षतामा सम्पन्न कार्यक्रम पोखरा लेखनाथ महानगरपालिकाका प्रमुख एवं कार्यकारी अधिकृत दिर्घ नारायण पौडेल, तनहुँका प्रमुख जिल्ला अधिकारी फणिन्द्रमणि पोख्रेल, स्थानीय विकास अधिकारी बद्रीप्रसाद तिवारी लगायतले मन्तव्य राखेका थिए ।
कार्यक्रममा मूल्याङ्कन तथा अनुगमन अधिकृत अम्विका घिमिरेले सूचकका बारेमा तथा घोषणाका लागि भएका गतिविधिका सन्बन्धमा घोषणा तयारी समितिका संयोजक विपिन्द्र सेन ठकुरीले जानकारी गराएका थिए ।
Photo : Krishna Regmi

Skip to toolbar